काठमाडौं । अमेरिकामा डोनाल्ड ट्रम्प विजयी हुनेबित्तिकै विश्वकै धनीव्यक्ति एलन मस्कमाथि पैसाको वर्षा हुन थाल्यो। उनको सम्पत्तिमा हरेक दिन भारी उछाल आइरहेको छ। यसै कारणले एलन मस्कको कुल सम्पत्ति ३०० अर्ब डलर नाघेको छ। पछिल्लो २४ घन्टामा मस्कको सम्पत्ति १७.४ अर्ब डलरले बढेको छ।
ब्लुमबर्ग बिलियनेर्स इन्डेक्सका अनुसार पछिल्लो १७.४ अर्ब डलरको वृद्धिपछि एलोन मस्कको कुल सम्पत्ति ३१४ अर्ब डलर पुगेको छ। अमेरिकी राष्ट्रपति चुनावमा डोनाल्ड ट्रम्पको विजयपछि उनको नेटवर्थमा लगातार वृद्धि भइरहेको छ।
एलन मस्कको नेटवर्थमा यो उछालको सबैभन्दा ठूलो कारक उनको इलेक्ट्रिक कार कम्पनी टेस्लाको शेयर हो। जसको भाउ तीव्रगतिमा बढिरहेको छ। पछिल्लो ५ दिनमा मात्रै ३१.४६ प्रतिशतले बढेको छ र यस अवधिमा एउटा शेयरको मूल्य ७६.८८ डलरले बढेको छ।
यतिमात्र होइन भर्खरै टेस्लाको स्टक पनि आफ्नो नयाँ सर्वकालीन उच्च स्तरमा पुगेको छ। जुन प्रतिशेयर ३२८.७१ डलर हो। –एजेन्सी
