काठमाडौं । राष्ट्र बैंकले विकास बैंक र फाइनान्सको सुपरिवेक्षण एउटै विभाग मार्फत हेर्ने भएको छ । बैंकले विकास बैंक र वित्ती कम्पनीको सुपरिवेक्षण विभागलाई मर्जर गरेर एउटै बनाएको हो ।
राष्ट्र बैंकको व्यवस्थापन समितिको कार्तिक ११ गतेको बैठकको निर्णयअनुसार फागुन एक गतेदेखि लागु हुने गरी विकास बैंक सुपरिवेक्षण विभाग र वित्त कम्पनी सुपरिवेक्षण विभागलाई एकिकृत गरी नयाँ विभागको रुपमा ‘वित्तीय संस्था सुपरिवेक्षण विभाग’ को स्थापना गर्ने भएको छ ।
