काठमाडौं । लुम्बिनी प्रदेशको मन्त्रिपरिषदले पूर्णता पाएको छ । मुख्यमन्त्री डिल्लीबहादुर चौधरीले सोमबार सात सदस्यीय मन्त्रिपरिषद गठन गर्दै पूर्णता दिएका हुन् ।
नेकपा माओवादीबाट धनबहादुर मास्कीले आर्थिक मामिला मन्त्रालयको जिम्मा पाएका छन् । यसैगरी नेपाली काँग्रेसका राजु खनाल स्वास्थ्य मन्त्री भएका छन् । साथै, सन्तोष कुमार पाण्डेयले आन्तरिक मामिला, कानुन तथा सहकारी मन्त्रालयको जिम्मा पाएका छन् ।
भण्डारी लाल अहिर कृषि तथा भूमि व्यवस्था मन्त्री, चन्द्रकेश गुप्ता सामाजिक विकास मन्त्री र धर्म बहादुर चौधरीले भने भौतिक पूर्वाधार विकास मन्त्रीको जिम्मेवारी पाएका छन् ।
