काठमाडौं । भाटभटेनी सुपरमार्केटका संचालक मिनबहादुर गुरुङको नाममा ललिता निवासको २९ रोपनी जग्गा फेला परेको छ । अनुसन्धानको क्रममा यस्तो भेटिएको केन्द्रीय अनुसन्धान ब्युरो सीआइबीले जानकारी दिएको छ ।
गुरुङले ललिता निवासको जग्गा आफू र आफ्ना परिवारको नाममा राखेको भेटिएको सिआइबीले जानकारी दिएको छ । उक्त अनुसन्धानले गुरुङ र उनको परिवार साथै भाटभटेनी डेभपमेन्ट कम्पनी प्रालिको नाममा २९ रोपनी १५ आना ३ पैसा जग्गा राखेको भेटिएको हो ।
सीआइबीले गुरुङलाई ललिता निवास प्रकरणमा मंगलबार पक्राउ गरेका थिए ।
