काठमाडौं । एनएमबि बैंकले रुकुमस्थित आठबीसकोटमा आफ्नो नयाँ शाखा विस्तार गरेको छ।
माघ १४ गते आठबीसकोट नगरपालिकाका मेयर रवि केसी र एनएमबि बैंकका नायब महाप्रबन्धक प्रमोद दाहालले संयुक्त रुपमा बैंकको २०२ औँ शाखाको उद्घाटन गरेका हुन्। सर्वसाधारणलाई सरल र सहज रुपमा बैंकिङ सेवा विस्तार गर्ने उद्देश्यका साथ उक्त स्थानमा नयाँ शाखा विस्तार गरिएको बैंकले जनाएको छ।
आठबीसकोट शाखामार्फत स्थानीय, सर्वसाधारण, व्यावसायिक फर्म, कम्पनी तथा संघसंस्थाले गुणस्तरीय सेवा उपभोग गरी लाभान्वित हुने र यस क्षेत्रको समग्र आर्थिक उन्नतिमा महत्त्वपूर्ण भूमिका निर्वाह गर्ने बैंकले जनाएको छ।
आठबीसकोट शाखासहित एनएमबि बैंकले हाल देशभरि २०२ शाखा, १८६ एटीएम र १० एक्सटेन्सन काउन्टरमार्फत उच्चस्तरीय सेवा प्रदान गर्दै आइरहेको छ।
