काठमाडौं । रिलायन्स लाइफ इन्स्योरेन्स लिमिटेडको दोश्रो वार्षिक साधारणसभा सम्पन्न भएको छ ।कम्पनीको सञ्चालक समितिका अध्यक्ष ताराचन्द केडियाको अध्यक्षतामा सम्पन्न भएको हो ।
सधारणसभाले सञ्चालक समितिको आव २०७४।७५ को वार्षिक प्रतिवेदन, लेखापरीक्षकको प्रतिवेदन सहितको आव २०७४।०७५ को वासलत, नाफा–नोक्सान हिसाव, नगद प्रवाह विवरणलगायतका वित्तीय विवरणहरु, आव २०७५।०७६ को लागि लेखापरीक्षक नियुक्ति गर्ने र निजको परिश्रमिक निर्धारण गर्ने तथा सर्वसाधारणका लागि शेयर (आइपीओ) निष्काशन गर्ने प्रस्ताव पारित गरेको हो ।
कम्पनीको अधिकृत पूँजी तीन अर्ब रुपैयाँ र जारी पुँजी दुई अर्ब १० करोड रुपैयाँ रहेको छ ।जारी पुँजीको ३० प्रतिशतको हुन आउने रकम ६३ करोड बराबरको सेयर कम्पनीले सर्वसाधारणमा सार्वजनिक निष्काशन गर्ने सञ्चालक समितिको प्रस्तावलाई सर्वसम्मतले पारित गरेको छ ।
