काठमाडौं । नेप्सेमा राष्ट्र उत्थान लघुवित्त वित्तीय संस्था लिमिटेडको आईपीओ सूचिकृत भएको छ । कम्पनीको २६ लाख कित्ता आईपीओ सूचिकृत भएको हो । फागुन २६ गते नेप्से र कम्पनीबिच धितोपत्र सूचीकरण सम्झौता भएको हो ।
कम्पनीले ८ लाख ५० हजार कित्ता सर्वसाधारणको लागि निष्काशन गरेको र १७ लाख ५० हजार कित्ता शेयर संस्थापकहरुको लगानी गरेको सहित कुल २६ लाख कित्ता शेयर सूचिकृत गराएको हो ।
अब कम्पनीको शेयर आइतवारदेखि कारोबारमा आउनेछ । कम्पनीको पहिलो कारोबारको लागि नेप्सेले प्रतिकित्ता १६७ रुपैयाँ ४३ पैसादेखि ५०२ रुपैयाँ २९ पैसा तोकेको छ । नेप्सेले कम्पनीको पहिलो कारोबारको लागि नेटवर्थको तीन गुणासम्म मूल्य रेञ्ज तोक्ने गर्दछ ।
