काठमाडौं । राष्ट्रिय सहकारी बैंकको सञ्चालक समितिको बैठकले प्रमुख कार्यकारी अधिकृत (सीईओ) पदमा पुनः बद्रीकुमार गुरागाईंलाई नियुक्त गरेको छ । दोस्रो कार्यकालका लागि गुरागाईंलाई सिईओमा नियुक्त गरिएको बैंकले जनाएको छ ।
बुधबार सम्पन्न बैंक सञ्चालक समितिको बैठकले गुरागाईँलाई पुनः ४ वर्षका लागि सीईओ नियुक्त गर्ने निर्णय गरेको हो । राष्ट्रिय सहकारी बैंकमा देशैभरिका करिब १२ हजार सहकारी संस्थाहरु सदस्य छन् । कूल दुई अर्ब छ करोड चुक्ता पुँजि भएको सो बैंकमा ३० अर्ब ९६ करोड निक्षेप र २२ अर्ब ५० करोड रुपैयाँ कर्जा प्रवाह भएको छ ।
