काठमाडौं । राष्ट्रिय वाणिज्य बैंकले ‘८ दशमलव ५ प्रतिशत आरविविएल डिबेञ्चर २०८३’ को अर्धवार्षिक ब्याज भुक्तानी गरेको छ । बैंकले पुस मसान्तसम्म कायम सम्पूर्ण ऋणपत्र धनीहरुको बैंक खातामै अर्धवार्षिक ब्याज जम्मा गरेको जनाएको छ ।
हालसम्म आफ्नो ब्याज रकम खातामा प्राप्त नभएका ऋणपत्र धनीहरुले शेयर रजिष्ट्रार आरविवि मर्चेण्ट बैंकिङ लिमिटेडमा सम्पर्क गर्न समेत बैंकले आग्रह गरेको छ ।
ब्याज रकम बैंक खातामै जम्मा गरिने भएकाले बैंक खाता अद्यावधिक नगराएका ऋणपत्रधनीहरुले यथाशिघ्र अद्यावधिक गराउन बैंकले आग्रह गरेको छ ।
