काठमाडौं । चालु आर्थिक वर्षको ४ महिना कात्तिकसम्म राष्ट्रियस्तरका ८ वटा विकास बैंकले कुल डेढ अर्ब रुपैयाँ माथि नाफा आर्जन गरेका छन्।
नेपाल राष्ट्र बैंकको तथ्यांकअनुसार ८ वटा विकास बैंकले कुल १ अर्ब ५४ करोड ४८ लाख रुपैयाँ नाफा आर्जन गरेका हुन्। उच्च नाफा आर्जन गर्नेमा मुक्तिनाथ अग्रस्थानमा रहेको छ। यो बैंकले ३१ करोड ६० लाख रुपैयाँ नाफा कमाएको छ।
यसैगरी धेरै नाफा कमाउनेमा शाइन रेसुंगा दोस्रो स्थानमा रहेको छ। शाइन रेसुंगाले २५ करोड ५ लाख रुपैयाँ नाफा आर्जन गरेको छ। गरिमा २४ करोड ४ लाख रुपैयाँ खुद नाफाका साथ तेस्रो स्थानमा रहेको छ।
यो ४ महिनामा लुम्बिनीले १८ करोड १० लाख रुपैयाँ, महालक्ष्मीले १७ करोड १५ लाख रुपैयाँ र कामना सेवाले १७ करोड १० लाख रुपैयाँ नाफा आर्जन गरेका छन्।
यसैगरी ज्योतिले ११ करोड २० लाख रुपैयाँ र सांग्रिलाले १० करोड २० लाख रुपैयाँ नाफा कमाएका छन्।
