काठमाडौं । राष्ट्रपति राचन्द्र पौडेलको मुटुको शल्याक्रिया भएको छ । महाराजगञ्जस्थित मनमोहन कार्डियो थोरासिक भास्कुलर एन्ड ट्रान्सप्लान्ट सेन्ट्रलमा राष्ट्रपति पौडेलको मुटुको शल्याक्रिया गरिएको हो । शल्याक्रिया गरेर उनको मुटुमा पेसमेकर राखिएको हो ।
राष्ट्रपति पौडेलको मुटुमा समस्या देखिएपछि शहीद गंगालाल राष्ट्रिय हृदय रोग केन्द्र भर्ना भएका थिए । ७२ घण्टाको नियमित निगरानीका क्रममा मुटुको चाल बेलाबखत कम हुने देखिएकोले विशेषज्ञहरुको राय बमोजिम उनको मुटुमा पेसमेकर राखिएको हो । शल्याक्रिया सफल भएसँगै राष्ट्रपति पौडेलको स्वास्थ्य अवस्था सामान्य रहेको प्रा.डा. रत्न मणि गजुरेलले बताए ।
