काठमाडौं । युनिक नेपाल लघुवित्त वित्तीय संस्थाले चालू आर्थिक वर्षको पहिलो त्रैमासको वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको खुद नाफा गत आर्थिक वर्षको पहिलो त्रैमासको तुलनामा चालू आर्थिक वर्षको सोही अवधिमा २९३ प्रतिशतले बढी हो ।
गत आर्थिक वर्षको पहिलो त्रैमासमा ८२ लाख २० हजार नाफा कमाएको उक्त कम्पनीले चालू आवको सोही अवधिमा वृद्धि गर्दै ३ करोड २३ लाख ६९ हजार नाफा कमाएको छ ।
कम्पनीको चुक्ता पूँजी ९ करोड ६८ लाख रहेको छ भने जगेडामा २१ करोड ८१ लाख सञ्चित रहेको छ । चालू आवको पहिलो त्रैमाससम्ममा कम्पनीले ५७ करोड ७९ लाख ७२ हजार सापटि लिएर, २ अर्ब १५ करोड ९५ लाख निक्षेप संकलन गरेर ३ अर्ब ३६ करोड ७५ लाख ९३ हजार कर्जा लगानी गरेको छ ।
