काठमाडौं । युनाईटेड इदी मर्दी एण्ड आरबि हाइड्रोपावर लिमिटेडले गत आर्थिक वर्षको नगद लाभांंश वितरण गर्न शुरु गरेको छ । कम्पनीको मंसिर २८ गते सम्पन्न १३औं वार्षिक साधारण सभाले कूल १० दशमलव ५३ प्रतिशत करसमेत लाभांश पारित गरेको थियो ।
उक्त लाभांश पुस १८ गतेदखि सम्बन्धित शेयरधनीहरूको बैंक खातामा जम्मा गर्न शुरु गरिएको हो । कम्पनीले साधारण सभा प्रयोजनका लागि मंसिर १६ गते एक दिन बुक क्लोज गरेकाले मंसिर १५ गतेसम्म कायम शेयरधनीहरूले मात्र कम्पनीको नगद लाभांश प्राप्त गरेका छन् ।
बुक क्लोजको दिनसम्म धितो बन्धक राखी कर्जा लिएका सदस्यहरूको हकमा भने नगद लाभांश सम्बन्धित बैंक तथा वित्तीय संस्थाबाट नो अब्जेक्सन लेटर प्राप्त भएपछि मात्र बैंक खातामा जम्मा गरिने कम्पनीे जनाएको छ ।
यदि मंसिर १६ गतेपश्चात कर्जा चुक्ता भइसकेको भए सम्बन्धित बैंक तथा वित्तीय संस्थाको फुकुवा पत्र पेस गरेपछि मात्र नगद लाभांश जम्मा गरिने जनाएको छ । कम्पनीको शेयर रजिष्ट्रारमा ग्लोबल आइएमई क्यापिटल लिमिटेड रहेको छ ।
