काठमाडौं । दशैंपछिको आज पहिलो शेयर कारोबारमा नेप्से परिसूचक भारी अंकले घटेको छ । आज साताको पहिलो दिन नेप्से परिसूचक २८ दशमलव १८ अंकले घटेर १,८७५ दशमलव ५६ को विन्दुमा कायम भएको छ । आज २८ कम्पनीको मात्रै शेयर मुल्य बढेको छ भने २०० कम्पनीको शेयर मुल्य घटेको छ । आज सबै उपसूचक राताम्मे भएका छन् ।
आज ७४ करोड २९ लाख २५ हजार रुपैयाँको शेयर कारोबार हुँदा सबैभन्दा धेरै नेशनल हाइड्रोपावर कम्पनीको शेयर कारोबार भएको छ । आज कम्पनीको ४ करोड ८ लाख रुपैयाँको शेयर कारोबार भएको छ । हाथवे इन्भेष्टमेन्टको २ करोड ४७ लाखको कारोबार भएको छ । सिटिजन लाइफको २ करोड ३० लाख रुपैयाँको शेयर कारोबार भएको छ ।
