एजेन्सी । मानिसले विभिन्न विधामा विश्व रेकर्ड कायम गर्ने गर्दछन् । त्यस्तै, बीमा अभिकर्ता पेशामा विश्वको सबैभन्दा बढी वर्ष काम गरेर गिनिज बुक अफ वर्ल्ड रेकडमा कीर्तिमान कायम गरेका व्यक्ति पनि छन् । चाइना सांघाईका जो सुन युङ सुले बीमा अभिकर्ता पेशामा लामो समयसम्म काम गरी विश्व रेकर्ड कायम गरेका छन् ।
९२ वर्षका जोले ६२ वर्ष २३८ दिन बीमा अभिकर्ता पेशामा काम गरी विश्व रेकर्ड कायम गर्न सफल भएका हुन्। उनले ११ जुलाई २०१७ मा सो रेकर्ड कायम गर्न सफल भएका हुन् । म्यानु लाइफ हङकङ कम्पनीमा उनले यति लामो समयसम्म अभिकर्ता पेशामा रहेर काम गरेका हुन्।
प्रविधिको युगमा पनि बीमा अभिकर्ता पेशामा ग्राहकसँग सुमधुर र दिर्घकालिन सम्बन्ध नै सफल अभिकर्ताको लक्षण रहेको उक्त्त बीमा कम्पनीका सीईओ गायमिलले भनेका छन् ।
सुले साथीहरुसँगको सुमधुर सम्बन्ध र आफ्नो काम प्रतिको मायाले गर्दा उक्त विश्व रेकर्ड कायम गर्न सफल भएको भनेका छन् ।
