काठमाडौं । मिर्मिरे लघुवित्त वित्तीय संस्थाले एफपीओ निष्काशन गर्नका लागि नेपाल धितोपत्र बोर्डमा निवेदन पेश गरेको छ । कम्पनीले एफपीओ निष्काशन गर्नका लागि कम्पनीले कार्तिक २३ गते धितोपत्र बोर्डमा निवेदन दिएको हो ।
कम्पनीले प्रतिकित्ता १७७ दशमलव ८० रुपैयाँका दरले ९१ लाख २३ हजार ९८४ दशमलव ८० रुपैयाँ बराबरको ५१ हजार ३१६ कित्ता एफपीओ निष्काशन गर्ने जनाएको छ ।
कम्पनीको एफपीओ निष्कासन तथा विक्री प्रबन्धकमा नेपाल एसबिआई मर्चेन्ट बैकिङ्ग रहेको छ ।
कम्पनीले इक्रा नेपालमा रेटिङ गराइसकेको छ । कम्पनीले निष्काशन गर्न लागेको एफपीओलाई इक्रा नेपालले इक्रा एनपी आइआर डबल बी रेटिङ प्रदान गरेको छ । यस रेटिङले कम्पनीको आधारभुत पक्ष मध्य रहेको देखाउँछ ।
संस्थाको चैत्र १८ गते सम्पन्न दशौँ वार्षिक साधारण सभाले एफपीओ निष्कासन गर्ने प्रस्ताव पारित गरिसकेको छ । आवश्यक प्रक्रिया पुरा गरेर नियामक निकाय नेपाल धितोपत्र बोर्डले स्वीकृती पाएपछि मात्र संस्थाले एफपीओ निष्काशन गर्नेछ ।
