काठमाडौं । माथिल्लो मैलुङ खोला जलविद्युत लिमिटेडको आइपीओ बाँडफाँड भएको छ। कम्पनीले साउन ४ गतेदेखि भदौ १७ गतेसम्म आयोजना प्रभावित क्षेत्रका स्थानिय बासिन्दाहरुका लागि निष्काशन गरेको आइपीओ बाँडफाँड गरेको हो।
कम्पनीले प्रतिशेयर १०० रुपैयाँ अंकित मूल्यका १० लाख कित्ता शेयर आयोजना प्रभावित क्षेत्रका स्थानिय बासिन्दाहरुका लागि निष्काशन गरेको थियो। सोमध्ये कम्पनीले रीतपूर्वक आवेदन दिएका लगानीकर्ताहरुलाई माग गरे बमोजिम हुनेगरी धितोपत्र निष्काशन तथा बाँडफाँड निर्देशिका, २०७४ तथा विवरण पत्रको दफा ग.१०.ङ (क) ९ को अधिनमा रहि कुल ९ लाख ९० हजार ८०० कित्ता साधारण शेयर बाँडफाँड गरेको हो।
कम्पनीको धितोपत्र निष्काशन तथा बिक्री प्रबन्धक सानिमा क्यापिटल लिमिटेड रहेको छ। शेयर बाँडफाँड सम्बन्धि विवरण सानिमा क्यापिटलको वेबसाइट https://www.sanima.capital/ipo र कम्पनीको वेबसाइट https://sanimamailung.com बाट हेर्न सकिनेछ।
