काठमाडौं । एनएमबि बैंक लिमिटेडले स्विस इन्भेस्टमेन्ट फण्ड फर इमर्जिङ मार्केट्स (सिफेम) सँग १ करोड २० लाख अमेरिकी डलर(१ अर्ब ४३ करोड ४४ लाख रुपैयाँ) ऋण लगानी सम्बन्धी सम्झौता गरेको छ ।
सम्झौता अन्तर्गत एनएमबि बैंकले सिफेमको लगानी स्थानीय लघु साना तथा मझौला उद्यमलाई कर्जा प्रवाह गर्न, वित्तीय सेवामा पहुँच वृद्धि गर्न, वित्तीय क्षेत्रको विकास, रोजगारी संरक्षण गर्न प्रयोग गर्नेछ । नेपालमा पहिलो पटक सिफेमले वाणिज्य बैंकमार्फत ऋण लगानी गरेको हो । लगानी सम्बन्धी सम्झौता गत नोभेम्बर महिनामा भएको थियो ।
