बीमा तालिम केन्द्रले सञ्चालन गरेको तालिममा हालसम्म ३२८ जनाले सहभागीता जनाएका छन् । गत फागुनम हिनासम्ममा विभिन्न इन्स्योरेन्स कम्पनीका कर्मचारीहरुले केन्द्र सञ्चालन गरेको तालिममा सहभागीता जनाएको केन्द्र प्रमुख एवम् बीमा विज्ञ भोजराज शर्माले बताए ।
केन्द्रका अनुसार जीवन बीमा कम्पनीहरुबाट १ सय २० जना सहभागी भएका छन् । निर्जिवन बीमा कम्पनीहरुबाट भने १ सय ६८ जना कर्मचारीहरुले तालिम लिई सकेका छन् ।
नेपालको बीमा क्षेत्रमा नयाँ कम्पनीहरु सञ्चालनमा आएपछि बीमा क्षेत्रमा दक्ष जनशक्तिको अभाव चुलिएको हो । यही समस्यालाई सम्बोधन गर्न समितिले तालिम केन्द्रको स्थापना गरेको हो । केन्द्र बीमा समिति तथा कम्पनीहरुको पनि लगानी रहेको छ ।
सुरुका दिनमा बीमा समितिका ४६ जना कर्मचारी तालिममा सहभागी भएका थिए । यसै गरी राष्ट्रिय बीमा संस्थानबाट २२ जना कर्मचारीले सहभागीता जनाएका छन् । जीवन बीमाको कम्पनीहरु मार्फत सबैभन्दा धेरै तालिममा कर्मचारीलाई उपस्थित गराउने कम्पनीमा राष्ट्रिय बीमा संस्थान रहेको छ । अजोड इन्स्योरेन्स कम्पनीका ५८ जना कर्मचारीहरुलाई तालिममा सहभागी भएका छन् । नेपाल इन्स्योरेन्स कम्पनीका ४८ जनाले सहभागीता जनाएका छन् भने नेको इन्स्योरेन्सका २३ जनाले सहभागीता जनाएका छन् ।
साथै बैंकका ३६ कर्मचारीले तालिममा सहभागीता जनाएका छन् ।
