काठमाडौं । बीमा समितिले बीमक, बीमा अभिकर्ता, सर्भेयरका लागि जारी गरेको परिपत्र नं २१ संसोधन गर्न बीमा कम्पनीहरुलाई आग्रह गरेको छ ।
समितिले आईतबार एक परिपत्र जारी गर्दै लकडाउनको अवधि सकिएको मितिले १५ दिनसम्म कायम गर्ने व्यवस्था मिलाउन, यस अवधिभर संकलन गनुपर्ने रकम जेठ मसान्तसम्म थप गर्ने र उक्त अवधिको ब्याज नलाग्ने व्यवस्था मिलाउन बीमा कम्पनीहरुलाई आग्रह गरेको हो ।
साथै, बीमा अभिकर्ता र सर्भेयरहरुको ईजाजतपत्र नविकरणको म्याद असारमसान्तसम्म थप गर्न आग्रह गरेको छ। निर्जिवन बीमा कम्पनीहरुले तत्काल सिर्जना हुने दाबी भुक्तानीको लागि विधुतीय माध्यमबाट निवेदन प्राप्त भएको अवस्थामा लकडाउन सामान्य भएपछि तत्काल सर्भेयर खटाई क्षती एकिन गरी दाबी भुक्तानीको कामलाई निरन्तरता दिन आग्रह गरेको छ ।
