काठमाडौं । राधी विद्युत कम्पनी लिमिटेडले हकप्रद शेयर बाँडफाँड गरेको छ। कम्पनीले असोज ५ गतेदेखि २५ गतेसम्म १ बराबर १.४७५२ अनुपातमा निष्काशन गरेको हकप्रद शेयर कार्तिक १७ गते बाँडफाँड गरेको हो।
कम्पनीले भदौ १० गतेसम्म कायम शेयरधनीहरुका लागि ९५ लाख ३५ हजार ७६०.९९ कित्ता शेयर निष्काशन गरेको थियो। उक्तमध्ये रितपूर्वक आवेदन दिएका ३८ हजार ५०५ शेयरधनीहरुलाई ८२ लाख ३५ हजार २३३ कित्ता शेयर बाँडफाँड गरेको हो।
बाँडफाँड नभएको १३ लाख ५२७.९९ कित्ता शेयर कम्पनी लिलाम बढाबढ प्रक्रिया मार्फत बिक्री गर्नेछ। हकभन्दा बढी शेयर माग गरि दरखास्त दिने आवेदकहरुको हकमा बाँडफाँड नभएको हकप्रद शेयरबापतको रकम कात्तिक २० गतेदेखि आइपीएस मार्फत बैंक खातामा जम्मा गरिने कम्पनीले जनाएको छ ।
कम्पनीको शेयर निष्काशन तथा बिक्री प्रबन्धक मुक्तिनाथ क्यापिटल लिमिटेड रहेको छ।
