काठमाडौं । नेपाल बीमा प्राधिकरणले बीमक दर्ता तथा बीमा व्यवसाय सञ्चालन सम्बन्धी निर्देशिका २०७३ लाई दोस्रो पटक संशोधन गरेको छ । निर्देशिका संशोधन गर्दै न्युनतम चुक्ता पूँजी कायम गर्नु पर्ने समय थप गरिएको छ । प्राधिकरणले २०७८ चैत १० गते बीमा कम्पनीहरुको पूँजी बृद्धि गर्ने निर्णय गर्दै गएको चैत मसान्तभित्र कायम गरिसक्न निर्देशन दिएको थियो । तर अधिकाम्स बीमा कम्पनीहरुको पूँजी जुट्न बाँकी देखिए पछि निर्देशिका संशोधन गरी यहि असार मसान्तसम्मको समय थप गरिएको निर्देशिकामा उल्लेख छ ।
प्राधिकरणको सञ्चालक समितिको २०८० बैशाख तीन गतेको बैठकले निर्देशिकाकको नाम ‘बीमक दर्ता तथा बीमा व्यवसाय सञ्चालन सम्बन्धी (दोस्रो संशोधन) निर्देशिका, २०८०’ रहेको छ ।
निर्देशिकाको दफा ७ को उपदफा एक पछि उपदफा (१क) थपिएको छ । उक्त उपदफामा (१क) मा, उपदफा (१) मा जुनसुकै कुरा लेखिएको भए तापनि मिति २०७९ साल चैत मसान्तभित्र दफा ४ बमोजिम चुक्ता पूँजी कायम गर्न नसक्ने बीमकले मनासिव कारण सहित निवेदन दिएमा प्राधिकरणले यस निर्देशिका बमोजिम चुक्ता पूँजी मिति २०८० साल असार मसान्तभित्र कायम गर्ने गरी म्याद थप गर्न सक्नेछ
