काठमाडौं । आज नेप्से दोहोरो अंकले बृद्धि भएको छ । आज शेयर बजार नेप्से परिसूचक ११ दशमलव २२ अंकले बढेर १,९६१ दशमलव ०६ को विन्दुमा कायम भएको छ । आज १ अर्ब ३२ करोड २९ लाख ७२ हजार रुपैयाँको शेयर कारोबार हुँदा सबैभन्दा धेरै नविल बैंकको शेयर कारोबार भएको छ । बैंकको १४ करोड ४५ लाख रुपैयाँको शेयर कारोबार भएको छ ।
त्यस्तै, एनसीसी बैंकको संस्थापक शेयर ८ करोड १३ लाखको कारोबार भएको छ । हिमाल दोलखा हाइड्रोपावरको ७ करोड ७१ लाख रुपैयाँको शेयर कारोबार भएको छ । हिमालयन डिष्टिलरीको ७ करोड २ लाख रुपैयाँको शेयर कारोबार भएको छ ।
