काठमाडौं । आज साताको दोस्रो दिन पनि शेयर बजारमा हरियाली छाएको छ । हिजो पनि दोहोरो अंकले बढेको बजार आज भने ४४ दशमलव ३० अंकले बढेर १,९८६ दशमलव ९९ को विन्दुमा कायम भएको छ । आज सबै उपसूचक बढेको छ ।
आज १ अर्ब ५१ करोड ८३ लाख रुपैयाँको शेयर कारोबार हुँदा सबैभन्दा धेरै साल्ट ट्रेडिङको कारोबार भएको छ । आज यस कम्पनीको ६ करोड २५ लाख रुपैयाँको शेयर कारोबार भएको छ । त्यस्तै, एभरेष्ट बैंकको ५ करोड ७१ लाख रुपैयाँको शेयर कारोबार भएको छ । सोल्टी होटलको ५ करोड २४ लाख रुपैयाँको शेयर कारोबार भएको छ । चिलिमे हाइड्रोपावर कम्पनीको ५ करोड २३ लाख रुपैयाँको शेयर कारोबार भएको छ ।
