काठमाडौं । आज शेयर बजार नेप्से परिसूचक २३ दशमलव ८३ अंकले बढेर २,१११ दशमलव ९९ को विन्दुमा कायम भएको छ । आज १५६ कम्पनीको शेयर मुल्य बढेको छ भने १८ वटा कम्पनीको शेयर मुल्य घटेको छ ।
आज सबैभन्दा धेरै जानकी फाइनान्स, यूनाइटेड मोदी हाइड्रोपावर कम्पनी र राष्ट्र उत्थान लघुवित्त वित्तीय संस्थाका लगानीकर्ताले कमाएका छन् । यी कम्पनीका लगानीकर्ताले १० प्रतिशतका दरले कमाएका हुन् । नेष्डो समृद्ध लघुवित्त वित्तीय संस्थाका लगानीकर्ताले ९ दशमलव ९७ प्रतिशतका दरले कमाएका छन् ।
त्यसैगरी आज सबैभन्दा धेरै कुमारी धनबृद्धि योजनाका इकाईधनीले गुमाएका छन् । यस योजनाका इकाईधनीले १० प्रतिशतका दरले गुमाएका हुन् ।
