काठमाडौं । आज बजारमा भारी अंकको गिरावट भएको छ । आज शेयर बजार नेप्से परिसूचक ५७ दशमलव ७४ अंकले घटेर २०२२ दशमलव ६४ को विन्दुमा कायम भएको छ । आज १४ कम्पनीको शेयर मुल्य बढेको छ भने २०३ कम्पनीको शेयर मुलय घटेको छ । आज दिनभरिमा २६० वटा कम्पनीको ६३ लाख २६ हजार १०५ कित्ता शेयर किनबेच हुँदा २ अर्ब ५२ करोड २७ लाख रुपैयाँको शेयर कारोबार भएको छ ।
आज सबैभन्दा धेरै छिमेक लघुवित्तको शेयर कारोबार भएको छ । आज कम्पनीको ८ करोड ७० लाख रुपैयाँको शेयर कारोबार भएको छ । एनआइसी एशिया बैंकको ७ करोड ९६ लाख रुपैयाँको शेयर कारोबार भएको छ । हिमालयन डिष्टिलरीको ७ करोड २१ लाख रुपैयाँको शेयर कारोबार भएको छ ।
