काठमाडौं । सिडिएस एण्ड क्लियरिङ लिमिटेडले फ्रि ब्यालेन्समा रहेको शेयर मात्र बिक्रि गर्न योग्य हुने जनाएको छ ।
लगानीकर्ताको हितग्राही खातामा रहेको धितोपत्र विभिन्न कारणले रोक्का हुन सक्ने र यसरी रोक्का भएको धितोपत्र दोस्रो बजारमा बिक्रि गरि राफसाफ तथा फर्छ्यौट गर्ने क्रममा हस्तान्तरण हुन नसकि क्लोजआउट हुने समस्या देखिने गरेको छ । लगानीकर्तालाई आफ्नो स्वामित्वमा रहेको धितोपत्र बिक्रि गर्नुअघि उक्त धितोपत्र बिक्रि गर्न योग्य रहेको यकिन गर्नुपर्ने हुन्छ ।
यसका लागि लगानीकर्ताले मेरो शेयरको माई सन्सार पेजमा देखाइने धितोपत्रको अवस्था देखाउने फ्रि ब्यालेन्समा रहेको परिमाणको धितोपत्र मात्र बिक्रि गर्न योग्य हुने भएकोले सोहि अनुरुप कारोबार गर्न सिडिएस एण्ड क्लियरिङ लिमिटेडले अनुरोध गरेको छ ।
