काठमाडौं । नेपाल बीमा प्राधिकरणले लोकेश काफ्लेलाई सहायक निर्देशक पदमा बढुवा गरेको छ । एक जना सहायक निर्देशक पदमा बढुवाका लागि परेको प्रतिस्पर्धामा उनले बाजी मारेका हुन् ।
प्राधिकरणले मंसिर २३ गते कार्यक्षमताको मूल्याङ्कनका आधारमा बढुवाका लागि विज्ञापन आह्वान गरेको थियो । यसका लागि २ जनाको मात्रै आवेदन परेको थियो । दुई जना मध्ये काफ्लेले ७३.७० अंक प्राप्त गरि बढुवाका लागि सिफारिमा परेका हुन् । उनि अध्यक्ष तथा कार्यकारी निर्देशकको सचिवालयमा कार्यरत छन् ।
