काठमाडौं । पावर ट्रान्समिसन कम्पनी नेपाल लिमिटेडको १३औं वार्षिक साधारण सभा मंसिर १७ गते हुने भएको छ । कम्पनीको कात्तिक ८ गते बसेको सञ्चालक समितिको बैठकले साधारण सभा गर्ने निर्णय गरेको हो ।
सभा कम्पनीको कार्यालय ने.वि.प्रा. को सभाहल, दरवारमार्ग, काठमाडौंमा दिउँसो ३ बजे शुरु हुने कम्पनीले जनाएको छ ।
सभाले सञ्चालक समितिबाट सिफारिस भए बमोजिम आर्थिक वर्ष २०७७/७८ सम्मको सञ्चित मुनाफाबाट शेयरधनीहरुलाई १८ प्रतिशत नगद लाभांश (कर सहित) वितरण गर्ने प्रस्ताव पारित गर्नेछ ।
साथै सभाले आर्थिक वर्ष २०७७/७८ को वार्षिक प्रतिवेदन छलफल गरी पारित गर्ने , हिसाब, नाफा नोक्सान, नगद लगायतका वित्तीय सूचकहरुमाथि छलफल गरी पारित गर्नेछ ।
त्यसैगरी सभामा २०७८/७९ को लागि लेखापरीक्षकको नियुक्ति र निजको पारीश्रमिक निर्धारण गर्ने प्रस्ताव पनि पारित हुनेछन् ।
