काठमाडौं । नेप्सेले साधना लघुवित्त वित्तीय संस्था, मुक्तिनाथ विकास बैंक, मिर्मिरे लघुवित्त वित्तीय संस्था, हिमालयन डिष्टिलरी र गुराँस लघुवित्त वित्तीय संस्थाको शेयर मूल्य समायोजन गरेको छ ।
नेप्सेले साधना लघुवित्तको १९ प्रतिशत बोनश शेयर समायोजनपछि शेयर मूल्य ९०४ रुपैयाँ २० पैसा तोकेको छ । कम्पनीको अन्तिम शेयर मूल्य १ हजार ७६ रुपैयाँको आधारमा शेयर मूल्य समायोजन गरेको हो ।
त्यस्तै मुक्तिनाथ विकास बैंकको नेप्सेले १३ दशमलव ५० प्रतिशत बोनश शेयरको समायोजनपछि शेयर मूल्य ४१९ रुपैयाँ ३८ पैसा तोकेको छ । कम्पनीको अन्तिम मूल्य ४७६ रुपैयाँको आधारमा शेयर मूल्य समायोजन गरिएको हो ।
नेप्सेले मिर्मिरे लघुवित्तको २३ प्रतिशत बोनश शेयरको समायोजनपछि नेप्सेले मूल्य ८२१ रुपैयाँ ३८ पैसा तोकेको छ । कम्पनीको अन्तिम मूल्य १ हजार १० रुपैयाँ ३० पैसाको आधारमा शेयर मूल्य समायोजन गरिएको हो ।
हिमालयन डिष्टिलरीको ६० प्रतिशत बोनश शेयरको समायोजनपछि मूल्य २ हजार ५१८ रुपैयाँ ७५ पैसा तोकिएको छ । कम्पनीको अन्तिम मूल्य ४ हजार ३० रुपैयाँको आधारमा शेयर मूल्य समायोजन गरिएको हो ।
गुराँस लघुवित्त वित्तीय संस्थाको ४ प्रतिशत बोनश शेयर समायोजनपछि मूल्य ८ सय १९ रुपैयाँ तोकिएको छ । कम्पनीको अन्तिम शेयर मूल्य ८३२ रुपैयाँ २० पैसाको आधारमा शेयर मूल्य समायोजन गरिएको हो ।
