काठमाडौं । न्यादी हाइड्रोपावर लिमिटेडले १५औं वार्षिक साधारण सभा चैत ६ गते गर्ने भएको छ । सभा कार्की ब्याक्वेट बबरमहल काठमाडौंमा बिहान ११ बजे शुरु हुने कम्पनीले जनाएको छ । माघ १९ गते बसेको कम्पनीको सञ्चालक समितीको बैठकले साधारण सभा गर्ने निर्णय गरेको हो ।
सभाले गत आर्थिक वर्षको वार्षिक वित्तीय विवरण छलफल गरी पारित गर्नूका साथै चालू आवको लेखापरिणको लागि लेखापरिक्षकको नियुक्ती र निजको पारिश्रमिक निर्धारण गर्ने प्रस्ताव पनि पारित गर्नेछ ।
त्यस्तै सभाले सर्वसाधारण शेयरधनीहरुको तर्फबाट प्रतिनिधित्व गर्ने एक जना महीला सञ्चालक सहित दुई जना सञ्चालकहरुको निर्वाचन गर्ने प्रस्ताव पनि पारित गर्नेछ ।
कम्पनीले साधारण सभा प्रयोजनको लागि फागुन १९ गते देखि चैत ६ गते सम्म बुक क्लोज गर्ने जानकारी दिएको छ । यस बुक क्लोजको आधारमा फागुन १८ गते सम्म कायम शेयरधनीले साधारण सभामा भाग लिन पाउनेछन् ।
