काठमाडौं । नेप्से परिसूचकको उच्च विन्दु २०७८ साल भदौ २ गते कायम भएको थियो। सो दिन नेप्से परिसूचक ३२०० भन्दा माथि पुगे पनि बन्द हुँदा ३१९८ मा बन्द भएको थियो।
उक्त दिन १६ विकास बैंकको शेयर कारोबार भएको थियो । १६ कम्पनीमध्ये एक्सेल डेभलपमेन्ट बैंकको शेयरमूल्य सर्वाधिक थियो । यो कम्पनीको शेयरमूल्य प्रतिकित्ता १ हजार १०८ रुपैयाँ थियो । त्यस्तै दोस्रोमा कर्पोरेट डेभलपमेन्ट बैंकको शेयरमूल्य सर्वाधिक थियो। यो कम्पनीको शेयरभाउ प्रतिकित्ता १ हजार ३० थियो।
सोही दिन सबैभन्दा कम शेयरमूल्य भएको विकास बैंकमा सप्तकोशी डेभलपमेन्ट बैंक थियो। सप्तकोशीको शेयरमूल्य प्रतिकित्ता ५१८ रुपैयाँमा अन्तिम कारोबार भएको थियो।
