काठमाडौं । रिलायबल समृद्धि योजना-२ को इकाई नेप्सेमा सूचीकृत भएको छ । आज साउन २२ गते नेपाल स्टक एक्सचेन्ज लिमिटेड र रिलायबल इन्भेष्टमेन्ट एण्ड मर्चेन्ट क्यापिटल लिमिटेडबीच रिलायबल सामुहिक लगानी कोष अन्तर्गतको प्रति इकाई मूल्य १० रुपैयाँ कायम भएका कुल १२,५०,००,००० इकाई सामूहिक लगानी कोष रिलायवल समृद्धि योजना-२ को इकाई सूचीकरण सम्झौता भएको हो ।
कम्पनीले सर्वसाधारण समक्ष रिलायबल इन्भेष्टमेन्ट एण्ड मर्चेन्ट क्यापिटल लिमिटेड मार्फत् सामूहिक लगानी कोष इकाई खुल्ला बिक्री आव्हान गरेको थियो । यसरी वितरण गरिएको १२,५०,००,००० सामूहिक लगानी कोष इकाई वितरण भई धितोपत्र सूचीकरण विनियमावली, २०७५ बमोजिम सूचीकरण गरिएको हो ।
उक्त म्युचुअल फण्ड साउन २५ गतेदेखि दोस्रो बजारमा कारोबारमा आउनेछ ।
