काठमाडौं । यस साता नेपाल स्टक एक्सचेन्जमा ३ कम्पनीको शेयर सूचिकृत भएको छ । ग्लोबल आइएमई लघुवित्त वित्तीय संस्था, सिईडिबी हाइड्रोपावर कम्पनी लिमिटेड र लाइफ इन्स्योरेन्स कर्पोरेशनको शेयर सूचीकरण भएको हो ।
ग्लोबल आइएमई लघुवित्त वित्तीय संस्था लिमिटेडले स्पर्स लघुवित्त वित्तीय संस्था लिमिटेडलाई १ः०.९० को अनुपातमा प्राप्ति गर्दा कायम हुन आएको प्रति शेयर अंकित तथा चुक्ता मूल्य एक सय रूपैयाँ दरको १० लाख ८ हजार २ सय ६१ दशमलव ७८ कित्ता शेयर धितोपत्र सूचिकरण विनियमावली, २०७५ बमोजिम नेप्सेमा कारोबार हुन सक्ने गरी सूचिकृत भएको हो ।
सिईडिबी हाइड्रोपावर कम्पनी लिमिटेडको आईपीओ सूचीकृत भएको हो । कम्पनीको ८३ लाख ९४ हजार १ सय कित्ता आईपीओ नेप्सेमा सूचिकृत भएको हो ।
त्यस्तै, लाइफ इन्स्योरेन्स कर्पोरेशनको १० प्रतिशत बोनश बापतको २० लाख १० हजार कित्ता शेयर सूचिकृत भएको छ। कम्पनीको फागुन २५ गते सम्पन्न भएको १८ औं वार्षिक साधारण सभाले आर्थिक वर्ष २०७५/७६ बाट वितरण गर्न प्रस्ताव गरेको १० प्रतिशतले हुन आउने बोनश शेयर सुचिकृत भएको हो ।
