काठमाडौं । नेपाल पूर्वाधार विकास कम्पनी लिमिटेडले फागुन ९ गते साधारण सभा गर्ने भएको छ । सभा काठमाडौं, रामशाहपथस्थित स्काई ब्याक्वेटमा उक्त दिन बिहान ११ बजे शुरु हुने कम्पनीले जनाएको छ ।
सभाले आर्थिक वर्ष २०७५/७६ देखि २०७८/७९ सम्मको वार्षिक प्रतिवेदन र आर्थिक वर्ष २०७९/८० को लागि लेखापरीक्षकको नियुक्ति र निजको पारिश्रमिक निर्धारण गर्ने प्रस्ताव पनि पारित गर्नेछ ।
साथै सभाले कम्पनीको ठेगाना परिवर्तनसम्बन्धी विशेष प्रस्ताव पानि पारित गर्ने जनाएको छ । कम्पनीले साधारण सभा प्रयोजनको लागि शेयर बुक क्लोज माघ ६ गतेदेखि फागुन ९ गतेसम्म बन्द गर्ने जनाएको छ ।
