काठमाडौं । नेपाल पुनर्बीमा कम्पनीले निष्काशन गरेको आईपिओको बाँडफाँड भोलि हुने भएको छ । पुनर्बीमा कम्पनीले दिएको जानकारी अनुसार भोलि चैत्र २६ गते बुधबार आईपिओ बाँडफाँड हुनेछ ।
१ करोड ६० लाख कित्ताका लागि आवेदन माग गरेकोमा चार लाख भन्दा बढिले आईपिओ भरेका थिए । बिक्री प्रबन्धक आरबीबी मर्चेन्ट बैंकिङ रहेको सो आईपिओमा ४० कित्ता वा सो भन्दा कम भरेका सबैले पाउने भएका छन् । बाँकी रहेको शेयर गोलाप्रथाको माध्यमबाट वितरण गरिने जनाइएको छ । पुनर्बीमा कम्पनीका डेपुटी सिईओ दामोदर भण्डारीका अनुसार न्यूनतम ४० देखि अधिकतम ५० कित्ता शेयर पाउने गरी बाँडफाँड गरिनेछ ।
