काठमाडौं । २०२४ नेपाली युवा उद्यमी मञ्चले आइएलओ सेल परियोजनासँगको सहकार्यमा फेब्रुअरी २७ तारिखका दिन विशेष अतिथिहरूको उपस्थिति र चिन्तनमूलक छलफलहरू सहित होटल हिमालयमा राष्ट्रिय नीति संवाद २०२४ सफलतापूर्वक सम्पन्न गरेको थियो ।
कार्यक्रमका प्रमुख अतिथि प्रधानमन्त्री तथा मन्त्रिपरिषद्को कार्यालयका सचिव एकनारायण अर्याल थिए भने विशेष अतिथिका रूपमा प्रधानमन्त्री तथा मन्त्रिपरिषद्को कार्यालय तर्फबाट खोमराज कोइरालाको समेत उपस्थिति रहेको थियो ।
नेपाली युवा उद्यमी मञ्च राष्ट्रिय गभर्निङ काउन्सिलका प्रथम उपाध्यक्ष कुशल सुन्दर श्रेष्ठले स्वागत मन्तव्य राखेका थिए। उद्घाटन सत्रमा आभूषण ज्योति कंसाकार, नेपाली युवा उद्यमी मञ्च स्टार्टअप अध्यक्षले देशमा स्टार्टअपको स्थिति,चुनौति,अवसरहरु र स्टार्टअपहरूको उत्कृष्ट अभ्यासहरू साझा गरे । कंसाकारले सरकारसँग युवा उद्यमीहरूको दबाबपूर्ण मागलाई जोड दिँदै उनीहरूको आवश्यकतालाई गम्भीरतापूर्वक विचार गर्न आग्रह गरे ।
कार्यक्रम दोस्रो हाफमा आकर्षक प्यानल छलफलको साथ जारी रह्यो, जसमा धनीराम शर्मा (सहसचिव, अर्थ मन्त्रालय), जिबलाल भुसाल (सहसचिव, उद्योग वाणिज्य तथा आपूर्ति मन्त्रालय), अन्जन श्रेष्ठ (वरिष्ठ उपाध्यक्ष एफएनसीसीआई, सुश्री निविता प्रधान (द्वितीय उपाध्यक्ष नेपाली युवा उद्यमी मञ्च राष्ट्रिय गभर्निङ काउन्सिल), र प्रकाश शर्मा (राष्ट्रिय परियोजना संयोजक, आइएलओ छलफलमा सरकार र युवा उद्यमीहरू बीचको सहकार्यलाई बढावा दिने महत्वपूर्ण पक्षहरूमा छलफल भएको थियो।
