काठमाडौं । नेपालमा केहिदिनदेखि कोरोना संक्रमितको संख्या ह्वात्तै बढेको छ । आज थप ३४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा कुल १३३० जनामा नमुना परिक्षण गरिएको थियो । जसमध्ये ५३० जनामा गरिएको आरटीपीसीआर परिक्षणमा २५ जना संक्रमित भएका छन् भने ८०० जनामा गरिएको एन्टीजेनमा ९ जना संक्रमण भएका छन् ।
आज थपिएका संक्रमितसँगै नेपालमा सक्रिय कोरोना संक्रमितको संख्या १०३ जना पुगेको छ ।
