काठमाडौं । नासा सेक्युरिटिज कम्पनी लिमिटेडले नयाँ शाखा सञ्चालनमा ल्याएको छ । कम्पनीले असार १५ बाट पोखरा ८, न्यूरोडस्थित न्यूरोड कम्प्लेक्सको तेस्रो तल्लामा शाखा कार्यालय खोलेको हो ।
नासा सेक्यूरिटिजका प्रबन्ध संचालक मदन पौड्यालले एक समारोहकाबीच उक्त शाखा कार्यालयको समुद्घाटन गरेका हुन् । सो समारोहमा पोखरा शाखाका शाखा प्रबन्धक सागर सेढाईले अन्य स्थानहरुमा जस्तै पोखरामा पनि राम्रो सेवा दिने बताए । उनले सो शाखा कार्यालय मार्फत धितोपत्र खरिदबिक्रि, डिपी सेवा तथा मार्जिन ट्रेडिङको सेवा प्रदान गर्ने उनले बताए ।
यसअघि नासाले काठमाडौंको नक्सालस्थित मुख्य कार्यालय तथा विरगंज र जनकपुर शाखा कार्यालयबाट सेवा प्रदान गर्दै आइरहेको छ ।
