काठमाडौं । विश्वकै ठूलो तेल उत्पादक कम्पनी साउदी अरामकोको सन् २०२३ मा तेल उत्पादन र तेलको मूल्यमा तीव्र गिरावट आएपछि नाफामा ठूलो गिरावट आएको छ। यद्यपि, नाफामा गिरावट आएपछि कम्पनीले अघिल्लो वर्षको तुलनामा ३० प्रतिशत बढी लाभांश वितरण गर्ने भएको छ।
कम्पनीले अनुसार तेल बिक्रीको आम्दानी घट्दा कम्पनीले १ खर्ब २१ अर्ब डलर नाफा आर्जन गरेको छ। जुन सन् २०२२ को तुलनामा २५ प्रतिशतले कम हो। सन् २०२२ मा कम्पनीले १ खर्ब ६१ अर्ब डलर नाफा कमाएको थियो।
सरकारी स्वामित्व यो कम्पनीले नाफामा गिरावट आए पनि लाभांशको आकार बढाएर करिब ९८ अर्ब डलर पुर्याएको छ।
सन् २०२२ मा तेलको मूल्य प्रतिब्यारेल १३० डलर पुगेको थियो। सन् २०२३ मा घटेर प्रतिब्यारेल ८५ डलरमा झरेको थियो। कम्पनीमा साउदी सरकारको लगभग ९५ प्रतिशत शेयर स्वामित्व रहेको छ।
