काठमाडौं । झापाका व्यवसायी दुर्गा प्रसाईं नेतृत्वमा रहेको समूहले मंसिर ७ गते माइतीघरमा प्रदर्शन गर्न घोषणा गरेपछि जिल्ला प्रशासन कार्यालय ललितपुरले पनि निषेधाज्ञा जारी गरेको छ। जिल्ला प्रशासनले पुलचोक र आसपासको क्षेत्रमा मंगलबारदेखि लागू हुने गरी निषेधाज्ञा जारी गरेको हो ।
प्रशासन कार्यालयले मंगलबार सार्वजनिक गरेको सूचनामा पुलचोकस्थित युएन हाउस, मन्त्री निवास पूर्वतर्फ जाने इनार मोड जाने मूल बाटो, राष्ट्रिय किताब खाना, उत्तरतर्फ आन्तरिक राजश्व कार्यालय, तथा यूएन हाउस दक्षिणतर्फ राष्ट्रिय मानव अधिकार आयोग र राष्ट्रिय शहकारी विकास बोर्डको चार किल्लाभित्र पाँचजना भन्दा बढी व्यक्ति भेला भई सभा, विरोध प्रदर्शन, नारा जलुस धर्ना घेराउ अनशन जस्ता आन्दोलन वा विरोधका कार्यक्रम गर्न निषेध गरेको हो ।
काठमाडाैं जिल्ला प्रशासन कार्यालयले ३० दिनका लागि निषेधाज्ञा जारी गरेकोमा त्योभन्दा अघि बढ्दै जिल्ला प्रशासन कार्यालय ललितपुरले ६ महिनाका लागि निषेधाज्ञा लागू गरेको छ।
