काठमाडौं । पछिल्लो २४ घण्टामा २ हजार ६७६ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार पछिल्लो २४ घण्टामा १२ हजार ७६८ जनाको आरटी–पीसीआर र एन्टिजेन परीक्षण गर्दा २ हजार ६७६ जनामा कोरोना संक्रमण पुष्टि भएको हो ।
यससँगै नेपालमा कोरोना भाइरस संक्रमितको कुल संख्या ७ लाख ९ हजार ४३७ पुगेको छ । पछिल्लो २४ घण्टामा देशभर १ हजार ७५७ जना निको भएर घर फर्किएका छन् । यससँगै नेपालमा कोरोना संक्रमणमुक्त हुनेहरुको संख्या ६ लाख २६ हजार ४६८ पुगेको छ ।
पछिल्लो २४ घण्टामा थप ३३ संक्रमितको मृत्यु भएको छ ।
