काठमाडौं । तारागाउँ रिजेन्सी होटल्स लिमिटेडको २६औं वार्षिक साधारण सभा आज हुँदैछ । सभा नेपाल पर्यटन बोर्ड भृकुटीमण्डप, काठमाडौंमा बिहान १० बजे शुरू हुने कम्पनीले जनाएको छ । सभाले ८ दशमलव ४२ प्रतिशत नगद लाभांश (करसहित) वितरण गर्ने प्रस्ताव पारित गर्नेछ ।
त्यस्तै सभाले गत आर्थिक वर्षको वार्षिक प्रतिवेदनउपर छलफल गरी पारित गर्ने र चालू आवको लेखापरीक्षणको लागि लेखापरीक्षकको नियुक्ति र निजको पारिश्रमिक निर्धारण गर्ने प्रस्ताव पनि पारित गर्नेछ ।
साधारण सभा प्रयोजनको लागि कम्पनीले माघ १८ गतेदेखि फागुन ३ गतेसम्म बुक क्लोज गरेको छ । यस बुक क्लोजको आधारमा माघ १७ गतेसम्म कायम शेयरधनी साधारण सभामा भाग लिन र लाभांश पाउन योग्य छन् ।
