काठमाडौं । डिप्रोक्स लघुवित्त वित्तीय संस्था लिमिटेडले संस्थापक शेयर विक्री गर्ने भएको छ । संस्थाले शेरधनी विकास आयोजना सेवा केन्द्र (डिप्रोक्स नेपाल) को नाममा रहेको १ लाख २८ हजार ८ सय १२ कित्ता संस्थापक शेयर विक्री गर्न लागेको जनाएको छ ।
संस्थालले एक सूचना प्रकाशन गर्दै नेपाल राष्ट्र बैंकको निर्देशन बमोजिम सर्वप्रथम संस्थाका संस्थापक सेयरधनीहरुलाई नै प्राथमिकता दिनुपर्ने भएकाले संस्थापक सेयर खरिद गर्न इच्छुक संस्थापक शेयरधनीहरुलाई सूचना प्रकाशन भएको मितिले ३५ दिनभित्र आवश्यक कागजपत्र संकलन गरेर संस्थाको कर्पोरेट कार्यालय, सितापाईला काठमाडौंमा आइपुग्ने गरी निवेदन दिन आग्रह गरेको छ ।
त्यसैगरी, तोकिएको समय अवधिभित्र विद्यमान संस्थापकहरुको आवेदन नआएमा प्रचलित कानून बमोजिम शेयर बिक्री गर्ने कम्पनीले जनाएको छ ।
