काठमाडौं । ज्योति लाईफ इन्स्योरेन्स कम्पनीको सिईओमा प्रकाश विक्रम खत्री नियुक्त हुने भएका छन् । हाल डिसिओ रहेका उनलाई बीमा समितिले सिईओमा नियुक्तीको लागि स्वीकृति प्रदान गरेको हो । हिजो बीमा समितिले खत्रीलाई सिईओमा नियुक्ती गर्न स्वीकृति प्रदान गरेको बीमा समितिका सूचना अधिकारी तथा उपनिर्देशक निर्मल अधिकारीले बताए ।
बीमा समितिबाट स्वीकृति पाएसँगै ज्योति लाईफ इन्स्योरेन्सको बोर्ड बैठक बसेर सिईओ नियुक्ती गर्नेछ । लकडाउनका कारण आगामी आईतबारसम्म सिईओ नियुक्तीको प्रक्रिया पूरा हुने जनाइएको छ । कम्पनीले वेभसाईटमा भने सिईओको रुपमा खत्रीको नाम राखिसकेको छ ।
