काठमाडौं । ।जीवन बीमा कम्पनीहरुले जेठ मसान्तसम्ममा ४५ अर्बमाथि नविकरण बीमाशुल्क आर्जन गर्न सफल भएका छन् ।बीमा समितिको तथ्याङ्क अनुसार ११ महिनाको अवधिमा जीवन बीमा कम्पनीहरुले ४५ अर्ब १८ करोड रुपैयाँ बीमाशुल्क आर्जन गर्न सफल भएका हुन् ।
समितिको तथ्याङ्क अनुसार जेठ मसान्तसम्ममा सबैभन्दा धेरै नेपाल लाइफ इन्स्यारेन्सले नविकरण बीमाशुल्क आर्जन गर्न सफल भएको छ । कम्पनीले समिक्षा अवधिमा १४ अर्ब ६२ करोड रुपैयाँ नविकरण बीमाशुल्क आर्जन गरेको छ ।
त्यस्तै, लाइफ इन्स्योरेन्स कर्पोशन नेपाल रहेको छ । कम्पनीले जेठ मसान्तसम्ममा ८ अर्ब ३९ करोड रुपैयाँ नविकरण बीमाशुल्क आर्जन गर्न सफल भएको छ ।सरकारी स्वामित्वमा रहेको राष्ट्रिय बीमा संस्थान रहेको छ । कम्पनीले जेठ मसान्तसम्ममा ५ अर्ब ३४ करोड रुपैयाँ नविकरण बीमाशुल्क आर्जन गर्न सफल भएको छ ।
समिक्षा अवधिमा नेशनल लाइफले ४ अर्ब ३२ करोड रुपैयाँ, मेट लाइफले २ खर्ब ३७ करोड रुपैयाँ, एशियन लाइफले २ अर्ब २१ करोड रुपैयाँ, प्राइम लाइफले १ अर्ब ५० करोड रुपैयाँ, युनियन लाइफले १ अर्ब ३९ करोड रुपैयाँ, सूर्या लाइफले १ अर्ब ११ करोड रुपैयाँ र गुराँस लाइफले १ अर्ब ६ करोड रुपैयाँ नविकरण बीमाशुल्क आर्जन गर्न सफल भएका छन् ।
त्यस्तै ज्योति लाइफले ४६ करोड रुपैयाँ, सिटिजन लाइफले ३९ करोड रुपैयाँ, प्रभु लाइफले ३९ करोड रुपैयाँ, रिलायन्स लाइफले ३७ करोड रुपैयाँ, सन नेपाल लाइफले ३७ करोड रुपैयाँ, आइएमई लाइफले ३६ करोड रुपैयाँ, रिलायबल लाइफले ३२ करोड रुपैयाँ, सानिमा लाइफले २० करोड रुपैयाँ र महालक्ष्मी लाइफले १ करोड रुपैयाँ नविकरण बीमाशुल्क आर्जन गर्न सफल भएका छन् ।
