काठमाडौं । डिजेल र मट्टितेलको मूल्य घटेको छ । आज एक सूचना जारी गर्दै कात्तिक १६ गते १२ बजेबाट लागू हुनेगरी डिजेल र मटिट्तेलमा साविकको खुद्रा बिक्री मूल्यमा प्रतिलिटर १ रुपैयाँको दरले घटाइएको हो । आज उपभोक्ताको हितलाई मध्यनजर गर्दै हवाई इन्धन र एलपी ग्यासको मूल्य इण्डियन आयल कर्पोरेशनबाट बढेर आए पनि यथावत राखिएको हो ।
अब डिजेल र मटिट्तेलमा पहिलो वर्गका लागि १ सय ४७ रुपैयाँ ५० पैसा, दोस्रो वर्गका लागि १४९ रुपैयाँ र तेस्रो वर्गमा १५० रुपैयाँ कायम भएको जनाइएको छ ।
