काठमाडौं । गोरखा जिल्लामा परिचयपत्रका लागि विवरण संकलन कार्य सम्पन्न भएको छ । जिल्लाभरबाट १ लाख १५ हजार ९८७ जनाको विवरण संकलन कार्य सम्पन्न भएको जिल्ला प्रशासन कार्यालयले जनाएको छ ।
जिल्लामा दुई नगरपालिका र नौ गाउँपालिका रहेको छ । गत साउन १५ देखि सुरु भएको विवरण संकलन कार्य यहि पुष २५ गते सम्पन्न भएको हो । संकलन भएको विवरणमध्ये, गोरखा नगरपालिकाबाट १८ हजार ८३१, पालुङटार न.पाबाट १८ हजार ७४९, सिरानचोक गा.पाबाट ९ हजार ९८६, अजिरकोट गा.पाबाट५ हजार ५९८, आरुघाटबाट ८ हजार ८४, गण्डकी गा.पाबाट १३ हजार ६०२ जना, धार्चेमा ५ हजार ९०३ जनाले परिचयपत्रका लागि फारम भरेका थिए ।
साथै भीमसेन थापा गा.पाबाट ६ हजार ६९५, बारपाक सुलिकोटमा ९ हजार ४८६, सहिद लखनउमा १४ हजार २९०, चुमनुव्रीमा २ हजार १३१ जना सहित अन्य २ हजार ४३२ जनाले परिचयपत्र बनाएको जिल्ला प्रशासन कार्यालयले जनाएको छ ।
