चालु आर्थिक वर्ष २०७५ ७६ को दोस्रो त्रैमासको अवधिमा गुुँरास लाइफ इन्स्योरेन्स कम्पनीको कुल बीमाशुल्क आर्जन ३३ प्रतिशतले बढेको छ । चालु आवको पुष मसान्त सम्ममा कम्पनीले ६ अर्ब ६१ करोड ६३ लाख ६ हजार रुपैयाँ कुल बीमाशुल्क आर्जन गर्न सफल भएको छ । गत आवको सोही अवधिमा कम्पनीले ४ अर्ब ९५ करोड ७ लाख ७३ हजार रुपैयाँ बीमा शुल्क आर्जन गरेको थियो ।
चालु आर्थिक वर्षको पुस मसान्तको अन्त्य सम्ममा कम्पनीले ६८ करोड ७२ लाख २५ हजार रुपैयाँ कुल दाबी भुक्तानी गरेको छ । यो रकम अघिल्लो आवको सोही अवधिको तुलनामा ९१ प्रतिशतले बढी हो । गत आवको सोही अवधिमा कम्पनीले ३५ करोड ८५ लाख ७५ हजार रुपैयाँ दाबी भुक्तानी गरेको थियो । कम्पनीले ५ हजार ३ सय ६१ वटा दाबीको दाबी भुक्तानी गरेको छ । गत आवको सोही अवधिमा कम्पनीले ४ हजार १९२ वटा दाबीको दाबी भुक्तानी गरेको थियो ।
चालु आवको पुष मसान्त सम्ममा कम्पनीको भुक्तानी हुन बाकी रकम ३१ लाख ६६ हजार रुपैयाँ रहेको छ । गत आवको सोही अवधिमा कम्पनीको भुक्तानी हुन बाकी रकम ७४ लाख २४ हजार रुपैयाँ रहेको थियो ।
चालु आवको दोस्रो त्रैमासको वित्तीय विवरण अनुसार कम्पनीले १८ वटा दाबी भुक्तानी गरेको छैन् ।
कम्पनीको जगेडा कोष २४ प्रतिशतले बढेर २६ करोड ५२ लाख १६ हजार रुपैयाँ पुगेको छ । अघिल्लो आवको सोही अवधिमा कम्पनीको जगेडा कोषमा २१ करोड ३५ लाख ४७ हजार रुपैयाँ रहेको थियो । कम्पनीको चुक्ता पूँजी भने ५९ करोड ४० लाख रुपैयाँ रहेको छ ।
चालु आर्थिक वर्ष २०७५ ७६ को दोस्रो त्रैमासको अवधि सम्ममा कम्पनीले ४ करोड ९ लाख ९५ हजार रुपैयाँ खुद नाफा आर्जन गर्न सफल भएको छ । यो नाफा गत आवको तुलनामा ७ दशमलव १३ प्रतिशतले बढी हो । गत आवमा कम्पनीले ३ करोड ८२ लाख ६४ हजार रुपैयाँ खुद नाफा कमाएको थियो ।
कम्पनीको प्रति शेयर आम्दानी वार्षिक १३ रुपैयाँ ८० पैसा रहेको छ । यस्तै कम्पनीको प्रति शेयर नेटवर्थ १५० रुपैयाँ १० पैसा रहेको छ ।
