न्यूयोर्क। संयुक्त राष्ट्र विकास कार्यक्रम (यूएनडीपी) ले वित्त क्षेत्र हबभित्र बीमा र जोखिम वित्त सुविधा (आईआरएफएफ) कार्यक्रमको घोषणा गरेको छ। यो सुविधाले सामाजिक, आर्थिक, जलवायु र स्वास्थ्य सम्बन्धी प्रकोपहरुको उच्च जोखिमा रहेको कमजोर समुदायहरुलाई बीमा जोखिम बहन र वित्तीय जोखिमविरुद्ध सुरक्षाको माध्यमबाट सुदृढ बनाउनेछ ।
जर्मन सरकारले इन्सुरेसिलिन्स ग्लोबल पार्टनरशिपको भिजन २०२५ को वितरणलाई अगाडि बढाउनको लागी ३५ मिलियन अमेरिकी डलर सहयोग गरेको छ । इन्सुरेसिलिन्स ग्लोबल पार्टनरशिपको भिजन २०२५ संयुक्त राष्ट्र जलवायु शिखर सम्मेलन २०१९ मा पेश गरिएको थियो ।
युएनडिपिका अनुसार प्राकृतिक विपत्तिपछि पूनःस्थापनाको लागी विश्वको ७७ गरिब देशहरुलाई औसत २९ बिलियन डलर खर्च लाग्छ । यो लागतको ३ प्रतिशत मात्र बीमाले बहन गरेको हुन्छ । सन् २०२० मा मात्र, प्राकृतिक विपत्तिको कारण ९८० स्थानमा भएको क्षतिबाट २१० बिलियन अमेरिकी डलर भन्दा बढी नोक्सानी भएको थियो । कोरोना महामारीको कारण रोजगारको अवसर र आय श्रोत खुम्ंिचदा १५ करोड मानिसलाई गरिबिको सीमाभित्र धकेलेको छ ।
युएडिपिमका अुनसार यो कार्यक्रमले बीमा र जोखिम वित्तपोषण संकटको प्रभावबाट सम्पत्ति, जीवन र आजीविकाको रक्षा गर्नको लागी महत्वपूर्ण सुरक्षा कवच प्रदान गर्नेछ । आईआरएफएफ विश्वव्यापी रूपमा पाँच क्षेत्रहरुमा उपस्थित हुनेछ । साथै बीमाको माध्यमबाट गरिब र देशहरुलाई मानवीय प्रभावहरुलाई घटाएर, जलवायु परिवर्तन र अन्य आघातको प्रभावहरुको लागी अझ राम्ररी तयार रहनको लागी छिटो पूनःस्थापित हुनको लागी मानिसहरुको क्षमता निर्माण र सामुदायिक क्षमतालाई सुदृढ बनाउन मद्दत गर्दछ।
सन् २०२० मा मात्र १०० भन्दा बढी देशहरुमा २०० भन्दा बढी परियोजनाले इन्सुरेसिलिन्स ग्लोबल पार्टनरशिपमा योगदान पु¥याएका छन् । थप १३७ मिलियन मानिसहरुको सुरक्षामा योगदान गरेका छन्, आर्थिक सहयोग र विकासको लागी जर्मन आर्थिक सहायता तथा विकास संघीय मन्त्रालयका राज्य सचिव डा. मारिया फ्लाक्सबार्थले भनिन् ।
